• السبت 21 يوليه 2018
  • بتوقيت مصر11:58 ص
بحث متقدم

أديب يستعين بـ"مرسي" للهجوم على مختار جمعة

آخر الأخبار

أديب
أديب

أحمد عادل شعبان

هاجم الإعلامي عمرو أديب تصريحات الدكتور محمد مختار جمعة - وزير الأوقاف - والتي حذر فيها المواطنين من الامتناع عن التصويت في انتخابات الرئاسة .

وقال "أديب" في برنامجه المذاع على قناة "ON E T" : "في تصريحات للسيد وزير الأوقاف في الانتخابات السابقة كلها عن الانتخابات وضرورة إننا نروح الانتخابات .. وخطبة الجمعة تبقى عن الانتخابات .. وإن اللي ميروحش الانتخابات وضعه ايه قدام ربنا .. أنا بس عايز هذه الأمور لا يجب أن يكون لها علاقة بالدين يعني اللي ميروحش الانتخابات يبقى مقصر في وطنه وتجربته الديمقراطية ومقصر في دوره الانتخابي ولكن فكرة إننا بنلقى غطاء ديني لكل شيء .. دي مسألة صعبة أوي .. يعني هو كل حاجة لازم هنجيب لها حتة من الدين؟ .. ليه المشاركة مطلب شرعي؟ .. مين قال؟ وايه علاقة الدين بالمسألة دي .. دي مسألة دنيوية بحتة مالهاش علاقة بالدين ".

وأضاف: "طب واللي ميعملهاش يخش النار مثلا؟ .. ماهو احنا فاهمين إن اللي بيعمل بياخد ثواب .. طب واللي مبيعملش؟ وليه هنخش في الجدل دة والمسألة يبقى ليها علاقة بالدين؟ .. ممكن السيد وزير الأوقاف يناشد الناس تنزل كمواطن وكمسؤول في الحكومة وعلى فكرة وزير الأوقاف دة منصب سياسي مش ديني .. يعني هو مش زي شيخ الأزهر .. ليه واجب ديني؟ .. طب أنا لو منزلتش ربنا يحاسبني يوم القيامة؟ .. وطبعًا هنبتدي بقى نجيب حديث (كتم الشهادة) طب وليه نخش في دة كله؟ ".

وتابع: "أنا بحترم وزير الأوقاف في مواقفه ضد الإرهاب .. بس احنا هنرجع تاني نلبس السياسة دين؟ .. ما دي كانت المشكلة بتاعت الناس الذين من قبلنا .. دي كانت مشكلتهم إن الوقوف جنب مرسي واجب شرعي وأن النزول لمرسي واجب شرعي ".

تقييم الموضوع:

استطلاع رأي

هل تتوقع فوز مصر باستضافة كأس العالم 2030؟

  • ظهر

    12:06 م
  • فجر

    03:32

  • شروق

    05:10

  • ظهر

    12:06

  • عصر

    15:45

  • مغرب

    19:03

  • عشاء

    20:33

من الى