• الأربعاء 18 يوليه 2018
  • بتوقيت مصر02:34 م
بحث متقدم

داوود: «فيه حد عايز يقلب نظام الحكم يعمل مؤتمر صحفي»؟!

الحياة السياسية

خالد داوود
خالد داوود

حسن عاشور

قال خالد داوود رئيس حزب "الدستور"، إن المحامي الذي تقدم ضده ببلاغ ضده وقيادات "الحركة المدنية" بتهمة قلب نظام الحكم، يهدف إلى الشهرة، مشيرًا إلى عدم استدعاء النيابة له لسماع أقواله حتى الآن.

وأعاد داوود إلى الأذهان بأنه "في الثمانينات تخصص بعض المحامين في تقديم بلاغات في المثقفين والكتاب يتهمونهم بالكفر وعندما زادت هذه البلاغات تم تغيير القانون بأن تحال هذه القضايا للنيابة وبعدها النيابة تقرر تحرك الدعوى أو تحفظها في الدرج". 

وتابع في بيان له اطلعت "المصريون" على نسخة منه: "في عصر الرئيس السيسي الميمون، ظهرت قضايا "الحسبة السياسية" بدلاً من "الحسبة الدينية،" بمعنى أن مواطن، بيشتغل محامي أو طبيب أو أي مهنة، يتصدى للشر منفردًا نيابة عن المجتمع والأجهزة المعنية أساسا بإحالة الناس للتحقيق واتهامهم، ويروح هو أو هي يقدموا بلاغ حماية للوطن".

وتابع: "وعلى مدى السنوات الأربع الماضية، أصبح في فريق من المحامين اللي لا يمكن وصفهم سوى بالساعين للشهرة والظهور في الإعلام عشان مكتبهم يشتغل، وتخصصوا في أنهم يروحوا يقدموا بلاغات كيدية في السياسيين المعارضين ويتهموهم فيها بتهم خطيرة من قبيل السعي لقلب نظام الحكم، وتهديد الاقتصاد والاستقرار والأمن والمناخ والشمس والقمر، والتحريض على العنف، وتهديد مؤسسات الدولة، وحاجات جامدة اوي كده.

وأضاف: "طبعا سيادتكم لو في إي حد بيسعى لقلب نظام الحكم، اللي حيمسكه مش مواطن عادي زيي زيه، او محامي مهما علا او انحط شأنه، ولكن مفروض دي شغلة أجهزة أمنية واستخباراتية جامدة اوي، بحكم ان موضوع قلب نظام الحكم ده مؤامرة ممكن يكون الحكم فيها الاعدام، الشر بره وبعيد.

وأشار داوود إلى أنه "وحسب ما قريت النائب العام أمبارح قرر أنه يحيل للنيابة واحد من تلات بلاغات عرفت بها، وتتهم 13 من ممثلي "الحركة المدنية الديمقراطية ان البيان اللي طلعنا وقلنا للناس اللي هما عارفينه كويس: ان مفيش انتخابات رئاسية في مصر، ولا حتى استفتاء، ولكن حملة للتمديد للرئيس السيسي، وبالتالي يا اخوانا اقعدوا في البيت، ان البيان ده يمثل محاولة لقلب نظام الحكم.

واعتبر داوود أنه "من غير المعقول أن المتهم بقلب نظام الحكم يقوم بعمل مؤتمر صحفي :"بخبرتي القانونية المحدودة، مش قادر افهم اشمعنى النائب العام اهتم بالبلاغ الكيدي العبثي ده، وقرر يحيله للنيابة، بس اهو اللي حصل. لسه عندي شوية أمل، وعشان بحب مصر وخايف على سمعة مصر، اتطلع ان السيد وكيل النيابة اللي حيبص في البلاغ يحطه في الدرج او في اي مكان آخر مناسب له، لانه اكيد مفيش حاجة اسمها ان اللي عايز يقلب نظام حكم يعمل مؤتمر صحفي، على حد معلوماتي. بس طبعا، احنا في زمن العجايب، وكل شيء جايز".

ونفى داوود أن يكون قد تلقى طلب استدعاء من النيابة، قائلاً: "لغاية دلوقتي مجاش لأي حد اي استدعاء من النيابة، وانا مشفق على السادة وكلاء النيابة بصراحة انهم وسط مشاغلهم الضخمة، ممكن يكلفوا خاطرهم ويستدعونا للتحقيق في مثل هذه الاتهامات الكوميدية الهزلية. والله الموفق والمستعان".


تقييم الموضوع:

استطلاع رأي

هل تتوقع فوز مصر باستضافة كأس العالم 2030؟

  • عصر

    03:45 م
  • فجر

    03:30

  • شروق

    05:08

  • ظهر

    12:06

  • عصر

    15:45

  • مغرب

    19:04

  • عشاء

    20:34

من الى