• الإثنين 19 فبراير 2018
  • بتوقيت مصر02:16 ص
بحث متقدم

"عيدية وخرفان وحمام".. اتهامات تلاحق الخولي

قبلي وبحري

سعاد الخولي
سعاد الخولي

محمد البسيوني

أخبار متعلقة

اتهامات

خرفان

نيابة أمن الدولة العليا

سعاد الخولي

العيدية

قامت نيابة أمن الدولة العليا، بتفريغ المحادثات الهاتفية فى قضية رشوة سعاد الخولى نائب محافظ الإسكندرية السابق.

جاء هذا بعد أن وجه النائب العام المستشار نبيل صادق، مؤخرًا بإحالة كل من سعاد عبد الرحيم الخولى 63 سنة، نائب محافظ الإسكندرية، وأيمن عبد الجواد بريك 30 سنة، مالك بمشروع واحة خطاب للمأكولات البدوية، وإدريس عبد الجواد 48 سنة محام ومالك بمشروع واحة خطاب، والسيد إبراهيم عوض الله 56 سنة رئيس مجلس إدارة شركة الإسكندرية للمقاولات العامة، وإنشاء ورصف الطرق، وشدوى خيرى فؤاد 43 سنة مالكة مؤسسة مارينا للتجارة والاستيراد، وجهاد أحمد الطنطاوى 56 سنة العضو المنتدب لشركة لاند مارك للاستثمارات العقارية والسياحية، وأكرم عبد المعطى 46 سنة مدير إدارة شئون البيئة بمحافظة الإسكندرية فى القضية رقم 20542 لسنة 2017 والمقيدة برقم 4517 لسنة 2017 والمقيدة برقم 851 لسنة 2017 حصر أمن الدولة العليا إلى المحاكمة الجنائية العاجلة.

وجاء تفريغ نيابة أمن الدولة للمكالمات الهاتفية فى قضية رشوة نائب محافظ الإسكندرية السابق، على هيئة بنود لكل رقم تم رصده، حيث جاء البند الأول الملف المسمى " 01002735664" وتبين احتواؤه على أحد عشر محادثة صوتية، وكشفت المحادثة رقم 1 ومدتها دقيقة وثلاث وثلاثون ثانية، دارت بين شخصين أحدهم يدعى "الدُكتر" وشخص آخر، يتحدثون عن إرسال المتهمة الأولى سعاد الخولى قرار محافظ الإسكندرية الخاص بتقنين أراضى وضع اليد ومصالحة مخالفات المبانى.

ودارت المحادثة رقم 2 ومدتها 50 ثانية بين رجلين أحدهما يدعى "على" والآخر "أيمن"، أكد فيها الأخير للأول فى نهاية المحادثة بعد عبارات السلام والتحية " طيب دلوقتى فيه خروف أنا كنت عايز أجيبه للدكتورة سعاد.

 بينما جاءت المحادثة الثالثة ومدتها 55 ثانية، والتى دارت بين شخصين يدعى أحدهما أيمن، استكمال لموضوع الخروف، سأل فيه "أيمن" الشخص الآخر هل يدبح الخروف عنده ولا عندها فى الاستراحة، وتابع قائلاً: "وشوفها لو محتاجة حاجة تانى بلغنى بيها".

فيما دارت المحادثة الخامسة ومدتها دقيقة 21 ثانية، بين رجلين نعت أحدهما بـ "الدكتر" .

 وجاء محتوى المحادثة رقم 6 ومدتها دقيقة و12 ثانية ودارت بين رجلين

 الأول : ها

 الثانى: السلام عليكم.. قالتلى إنها مسافرة بكرة مصر ومحتاجة العيدية بكرة.. قولتلها حاضر هروح البنك أجيبهالك ماشى وقالتلى بهية هى اللى الشئون القانونية عندها هتقولك صيغة محضر إثبات الحالة كيف

الأول: ماشى يوم السبت نروحلها إن شاء الله

الثاتى: خلاص نكلم الأستاذ عبد الله يجهز لها 20 ألف جنيه

الأول : لا لا هى ماشية إمتى

الثانى : هى ماشية بكرة قالتلى يا بعد الفطور أو قبل الفطور مش عارف.. هو البنك مفيش فيه حاجة

الأول : فيه .. لو كده روح شوف

الثانى: فيه أد إيه

الأول: 45 حاجة زى كده

الثانى: إحنا لنا زمان خالص ماسحبناش منه

الأول: يا ابنى كل شهر بنطلع منه الزكاة 20 ألف جنيه.. ممكن نجيبوا 20 منه

الثانى: ماشى.. ماشى هنكلم عبد الله

فيما دارت المحادثة رقم 7 ومدتها دقيقة و33 ثانية بين شخصين نعت أحدهما بالحاج وطلب الآخر 20 ألف جنيه علشان الدكتورة سعاد.. العيدية مسافرة بكرة.

وكانت المحادثة رقم 8 ومدتها دقيقة و44 ثانية، بين رجل يدعى أيمن وامرأة على النحو التالى .

أيمن: أيوه يا فندم

المرأة : ألو أيوه يا أيمن

أيمن: بقول لحضرتك مسافرة أمتى إن شاء الله

المرأة: أنا مسافرة بعد الفطار إن شاء الله على طول يعنى هاجى من العزومة بره على الاستراحة هاخد شنطى واتحرك قول كده فى حدود 9 كده

أيمن: خلاص هجهز الحمام وأجهز الحاجة النهاردة ماشى 

المرأة: طب بص يا أيمن متكترش فى الحاجات الثانية يعنى أولا مش عايزة سلطة خالص

أيمن: تمام

المرأة: مش عايزة سلطة هو الحمام والرقاق كفاية أووى

أيمن: تمام

المرأة: لو عايز تحط شوية كوسة محشية وشوية ممبار ماشى

أيمن: ماشى على خيرة الله

المرأة: متحطش بقى سلطات ولا أى حاجة تانية

أيمن: لا هو الحمام والممبار واللى اسمه ده والرقاق

المرأة: تمام

ايمن: والفاكهة

المرأة: إيه

أيمن: الفاكهة الفاكهة

المرأة: آه آه الفاكهة بقى آه

أيمن: ماشى يا فندم

المرأة: متشكرة

أيمن: وحضرتك طالعة من الاستراحة رنى عليا

المرأة: طيب ماشى

أيمن: أنتوا كام واحد يا فندم

المرأة: إحنا كتير "ضحك"

أيمن: ماشى يا فندم مش هحمرها بزيت أنا هسويها واسيبها تتحمر فى البيت

المرأة: آه الحاجة سويها بس كويس والحمام يبقى مستوى ميبقاش نى وتسيبهولى أنا هاخده أحمره فى البيت.. والممبار بس اللى تحمره

أيمن: حاضر ماشى

المرأة: والكوسة طبعا مستوية والفطير مستوى

أيمن: تمام

المرأة: ماشى اتوصى بالرقاق شوية

أيمن: حاضر

وجاءت المكالمة رقم 10 ومدتها 34 ثانية استكمالا للمكالمة السابق ودارت بين رجل يدعى أيمن وأمراة.

كما بينت التحقيقات أن سعاد الخولى طلبت من مالك إحدى شركات المقاولات العامة 500 ألف جنيه، ونفقات أداء فريضة الحج بقيمة 205 آلاف جنيه مصرى.

وأخذت منه مبلغ الـ500 ألف جنيه مقابل إنهاء إجراءات وقف تنفيذ قرار الإزالة لأربعة طوابق بالعقار ملكيته.

كما طلبت وأخذت من مالك شركة للاستثمارات العقارية والسياحية إقامة لها ولأسرتها بفندق بمنطقة سيدى عبدالرحمن المملوك له، مقابل استعجال المخاطبات الخاصة بتثمين الأراضى المنتفع بها من محافظة الإسكندرية بمنطقة الحديقة الدولية الدوان تاون وفحص جدوى المشاركة فى الأرباح لتجديد التعاقد معه.

وتنظر محكمة الجنايات أواخر فبراير الجارى استكمال جلسات محاكمة نائبة محافظ الإسكندرية و5 رجال أعمال بينهم سيدة من الإسكندرية.

تقييم الموضوع:

استطلاع رأي

هل تنجح الحملة «سيناء 2018» فى القضاء على الإرهاب؟

  • فجر

    05:14 ص
  • فجر

    05:14

  • شروق

    06:38

  • ظهر

    12:14

  • عصر

    15:25

  • مغرب

    17:50

  • عشاء

    19:20

من الى